كيف تحمي اخوانك و اولادك من المشاهد غير المحترمة الموجودة في الافلام

اولا كل عام والامة الاسلامية بخير بمناسبة المولد النبوي الشريف
اعادة الله علينا باليمن و البركات


كام واحد فينا نزل افلام كوميدية او مغامرات ويفتكر انها افلام عائلة و يفاجأ بمشهد او كلام خارج يخلية في نص هدومة او نزل فيلم جامد وبسبب مشهد كام ثانية ملوش لازمة مسح الفيلم حفاظا علي اخواتة و اولادة

من النهاردة ان شاء الله مفيش فيلم حيبقي فيه مشهد او كلام خارج
كل الحكاية خطوتين سهلين جدا حنعرفهم

فهرس خفيف كدة للموضوع
1-ازاي اعرف الفيلم فية مشاهد خارجة ولا نظيف (قبل ما انزلة).
2-ازاي اشيل كام ثانية ملهمش لازمة من الفيلم(بعد ما انزلة).
3-ازاي الغي الكلام الخارج او اعدل فية.
4-ملف PDF.

اولا: ازاي اعرف الفيلم فية مشاهد خارجة ولا نظيف من
(((قبل ما انزلة)))

كل اللي حنعملة حندخل علي موقع
http://www.imdb.com/
الموقع دة بيجيبلك كل معلومة عن اي فيلم(موعد نزول الفيلم – المخرج – الممثلين – مدة الفيلم – البوستر- الخ....)



بعد كدة حيجيبلك صفحة الفيلم علي طول او حيجيب اسماء الافلام المشابهة ليه وانت تضغط علي الفيلم
(لو الفيلم لية اجزاء يعني)
المهم لما تدخل علي صفحة الفيلم انزل تحت لحد ماتلاقي MPAA زي اللي في الصورة



هنا كاتب تقيم(تصنيف) الفيلم PG يعني اية بقي !!!!!!!
بص يا سيدي الموقع دة بيقسم الافلام لخمس تصنيفات انا حشرح كل تصنيف من الاصلح للابوظ و حدي امثلة بافلام مشهورة معظمنا شفها علشان كل واحد يبقي فاهم التصنيفات دي كويس

~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~

1-التقيم((G)))
اختصار:General Audiences
الشرح: الفيلم يصلح لكافة الاعمار دون حرج بتاتا (امان تام)
الافلام: للاسف ملاقتش فيلم اعرفة ضمن التصنيف دة بس معظم افلام الكارتون فية

~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~
2-التقيم((PG)))
اختصار:Parental Guidance Suggested
الشرح:يصلح لمشاهده الاطفال ولكن يفضل رقابة الاباء لامكانيه احتوائه على لقطات
لايريد الاباء لابنائهم مشاهدتها او بعض الكلمات الغريبة هنا المقصود ان ممكن الفيلم يبقي فية واحد بيعمل مقلب او ضرب او حرق او عنف او رعب
(من الاخر امان للطفل المصري والعربي احنا اطفالنا وحوش) والافلام حتوضح
الافلام:

The Spy Next Door
MPAA: Rated PG for sequences of action violence and some mild rude humor.
هنا بيقول التقيم PG ويشتمل علي سلاسل من الاكشن(الحركة) العنيفة وبعض المرح الوقح المعتدل

Harry Potter (2001-2002-2004-2009)
MPAA: Rated PG for scary images, some violence, language and mild sensuality.
هنا بيقول التقيم PG ويحتوي علي صور مرعبة و بعض العنف و شهوانية معتدلة

The Haunted Mansion
MPAA: Rated PG for frightening images, thematic elements and language.
نفس الحوار التقيم PG ويشمل علي صور و اشياء مرعبة

Baby's Day Out
MPAA: Rated PG for mild language and comic action.
يحتوي علي لغة معتدلة و الاكشن البسيط (الفيلم دة قديم موت وجميل جدا)

Old Dogs
MPAA: Rated PG for some mild rude humor.
يحتوي علي بعض المرح الوقح المعتدل

Aliens in the Attic
MPAA: Rated PG for action violence, some suggestive humor and language.
يحتوي علي اكشن عنيف و بعض المرح و اللغة الايحائية

~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~

3-التقيم((PG-13)))
اختصار:Parents Strongly Cautioned
الشرح: لا يصلح الفيلم من هذا النوع لمشاهده الاطفال الا بوجود الاباء والافلام من هذا النوع قد تحتوي مشاهد جنسيه وعنف كثير
(من الاخر اللي اخواته بنات يخلي بالة ممكن يلاقي مشاهد خارجة)
الافلام:

Harry Potter (2005-2007)
MPAA: Rated PG-13 for sequences of fantasy violence and frightening images.

Titanic
MPAA: Rated PG-13 for disaster related peril and violence, nudity, sensuality and brief language.

Die Hard 4
MPAA: Rated PG-13 for intense sequences of violence and action, language and a brief sexual situation.

Hancock
MPAA: Rated PG-13 for some intense sequences of sci-fi action and violence, and language.

rush hour (1-2-3)
MPAA: Rated PG-13 for sequences of action/violence and shootings, some sexual material, and for language.

2012
MPAA: Rated PG-13 for intense disaster sequences and some language.

Drag Me to Hell
MPAA: Rated PG-13 for sequences of horror violence, terror, disturbing images and language.

The Lord of the Rings
MPAA: Rated PG-13 for epic battle sequences and some scary images. (also special extended edition)

Spider Man (1-2-3)
MPAA: Rated PG-13 for stylized violence and action.

Transformers (1-2)
MPAA: Rated PG-13 for intense sequences of sci-fi action violence, brief sexual humor, and language.

~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~

4-التقيم: (((R)))
اختصار:Restricted
الشرح:التصنيف دة ميصلحش للبنات خالص و للولاد اللي اقل من 18 سنة لاحتوائها علي عنف مبالغ جدا و مشاهد جنسية كبيرة (خطر)
الافلام:

Crank 2006
MPAA: Rated R for strong violence, pervasive language, sexuality, nudity and drug use.

Crank: High Voltage(فيلم زبالة بكل المقايس و رخم واهبل)
MPAA: Rated R for frenetic strong bloody violence throughout, crude and graphic sexual content, nudity and pervasive language.

American Pie
MPAA: Rated R for strong sexuality, crude sexual dialogue, language and drinking and some drug use, all involving teens.

Saw (1-2-3-4-5-6)
MPAA: Rated R for strong grisly violence, language, gore, sequences of terror, torture,
drug, , brief nudity

Brave Heart
MPAA: Rated R for brutal medieval warfare.

Troy
MPAA: Rated R for graphic violence and some sexuality/nudity.

Kung Fu Hustle
MPAA: Rated R for sequences of strong stylized action and violence.

New Police Story
MPAA: Rated R for violence.

~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~

5-التقيم: (((NC-17)))
الشرح: الافلام دي قليلة وتحتوي علي مشاهد جنسية فاضحة وشاذة
(((الافلام دي خطر علي الكل لا يصلح مشاهدتها بتاتا )))

الملخص المفيد
(G) امان
(PG) امان
(PG-13)خلي بالك
(R)مينفعش فيها الاطفال و البنات (خاف)
(NC-17)حسك عينك تنزلها (خطر)

ثانيا: ازاي اشيل كام ثانية ملهمش لازمة من الفيلم(بعد مانزلتة)

افرض عندنا فيلم جميل جدا بس فيه مشهد عايز يتشال
في طريقتان لتستخدم برنامج منتاج وتعد تقطع في الفيلم و يطلع عينك في الترجمة عقبال ما تعدلها مع الكلام وياسلام لو جهازك غلبان ممكن تتشل جنبة
(ودي من الحاجات اللي كانت بتخليني امسح الفيلم زمان )

لتستخدم برنامج Zoom Player
البرنامج دة رائع بكل المقايس بيشغل اي امتداد فيديو من اول امتدادات الموبيل لحد الفيديوهات البلوراي
البرنامج خفيف جدا بالنسبة لي JetAudioو Winamp و اصغر في المساحة
واهم ميزة فية حذف اي جزء من الفيلم في ثانية مع عدم التأثير علي جودة الفيلم او الترجمة
(اقولك ازاي, البرنامج مش بيقطع ويرمي زي برامج المنتاج دة بيعمل زي علامة عند وقت معين لما يجلها ينطها وهو دة اللي بيخلي الترجمة سليمة جدا وفي نفس الوقت مبيأثرش علي جودة الفيلم ومش محتاج جهاز خرافي ممكن بجهاز Pentium 3 كمان)
نجي بقا لشرح البرنامج

~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~

التسطيب سهل جدا مافيهوش حاجة


~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~

نجي لمرحلة القطع
حنشغل الفيلم عادي ونقف علي بداية الحتة اللي حنقطعها حنوقف الفيلم وندوس كليك يمين وتابع بالصور






معلش انا عملت الشرح بالمنظر دة علشان لو كتبت الارقام و رجعت شرحتها تحت حتخنق اللي بيقرا كل شوية حيطلع يشوف الرقم و ينزل يعرف الشرح(حتبقي رخمة شوية)

و بكدة شلنا المشهد التعبان و بقي الفيلم فلة
افرض مثلا الفيلم في كام مشهد كمان عايز يتشال سهلة جدا نفس اللي عملناه فوق حنعملها علي باقي المشاهد اللي في الفيلم
(طبعا لما تجي تعمل مشهد جديد حتنفذ الخطوة 5 علي المشهد الجديد)
ودي صورة للفولدر بتاع الفيلم بعد ماخلصنا



~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~

البرنامج
روابط تحميل البرنامج(البرنامج مجربة بنفسي وعامل علية scan)
الروابط
rapidshare
megaupload
mediafire
slingfile
uploaded


كراك البرنامج
.
الكراك مفهوش اي فيرس وانا عامل علية scan ب20 انتي فيروس ودة الدليل علشان تطمنوا



الروابط
rapidshare
megaupload
mediafire
slingfile
uploaded

كام ملحوظة مهمة جدا(الملخص المفيد)
1- القطع اللي عملناه للفيلم مش حيشتغل غير ببرنامج دة بمعني ان لو شغلت الفيلم بأي برنامج تاني الفيلم حيشتغل كامل بدون قطع.
(يعني شغل الافلام بالبرنامج دة بس والاحسن تسطب البرنامج دة وتمسح برامج الفيديوها التانية)

2- اللي مش عايز يمسح البرامج التانية ليها حل(بس الاحسن تمسحها طبعا علشان تريح نفسك)
تقف علي الفيلم و تدوس كليك يمين--->Properties ---> دوس علي Change ---> اختار Zoom player.
(اتأكد ان كل فيلم عامل برنامج zoom البرنامج الرئيسي اللي حيفتح بيه)

3- البرنامج مش بيقطع المشهد ويرمية دة بينط الوقت بس.
(محدش يخاف لحسن الفيلم يبوظ منه بمجرد انك تمسح ملف القطع اللي في الصورة فوق الفيلم حيرجع بكامل مشاهدة)

4-مفيش اي تأثير علي جودة الفيلم او الترجمة نهائيا.

5-لو حدثت البرنامج او شلتة و نزلت الاصدار الجديد منه متخفش مش حتقطع كل الافلام من جديد
(اي اصدار منه حيشغلة)

6-ان شاء الله حشرح البرنامج خطوه خطوة بأمكانياتة التانية في موضوع تاني ححطة في توقيعي لللي عايز يعرف اكتر
(علشان لو عملتة في الموضوع دة حتتخنقوا مني)

اخيرا تخيل انك نزلت فيلم و شيلت الارف اللي فية وفرجت اخواتك او ولادك علي الفيلم حتاخد ثواب اد اية
وياسلام لو اديتة لاصحابك و ارايبك وهكذا حتاخد ثواب اد اية
(ياريت محدش يكسل الموضوع كلة مياخدش اكتر من 3 ثواني في سبيل حماية اولادك و اخواتك)

ثالثا: ازاي الغي كلام خارج او اعدل فية

افرض بقي الفيلم فية شتيمة ولا حوار خادش للحياء او اي كلام اهبل
دي اسهل حاجة حتشوف الجملة اللي انت عايز تعدل فيها اتقالت في الدقيقة كام
وحتفتح ملف الترجمة txt اللي جنب الفيلم(لو مفتحش معاك افتحة ببرنامج WordPad او Notepad بيزل مع نسخة الويندوز حتلاقية في all programs)
مثلا انا عايز امسح جملة اتقالت في الدقيقة 6 تابع بالصور



بعد كدة اقفل البرنامج



محدش يخاف وقت الترجمة مش حيتأثر(لما تجي تجرب اول مرة اعمل نسخة علي جنب من الترجمة علشان لو باظت منك)

رابعا: ملف PDF للموضوع

انا قولت اعمل الموضوع PDF علشان الصور بعد مدة بتتشال ومنها مرجع لللي ممكن ينسي و سهلة التوزيع
الروابط
rapidshare
megaupload
mediafire
slingfile
uploaded
2shared
hotfile


انا معملتش توقيع علي الصور او ملف PDF علشان اللي يقدر ينزل الموضوع في اي منتدي تاني يبقي جزاه الله كل خير
يارب اكون وضحت كويس واي حد عندة استفسار يقولي انا حتابع الموضوع ان شاء الله

ارجو الدعاء لي ولاسرتي والمسلمين جميعا بالخير